2016-04-25

МИНИЙ ХӨӨРХӨН АМЬТАД (2)


2-5настай багачууддаа цээжлүүлэх шүлгүүд

Д.Отгонсүрэн      ТУУЛАЙ

Дэрсэн хярсан
Дэлдэн туулай
Дэргэдээс босоод
Дэгдэн харайлаа.
Дээр дээр
Үсрэн үсрэн
Дэлдэн туулай дэнж
  Дээгүүр даваад явчихлаа
Бүлтгэр нүдтэй
Дэлдэн чихтэй
Бүжин туулай
Ёстой хөөрхөн дөө
Дээр дээр
Үсрэн үсрэн
Дэлдэн туулай дэнж
  Дээгүүр даваад явчихлаа
Тоглох юмсан гэж
Бодоод явдаг
Бүжин туулай
Ёстой хөөрхөн дөө
Дээр дээр
Үсрэн үсрэн
Дэлдэн туулай дэнж
  Дээгүүр даваад явчихлаа

Ж.Нямдорж    БОТГО
           
Хархан нүдтэй
Халтар хан хамартай
Сөөвгөрхөн зогдортой
Сөрөвгөхөн хөмсөгтэй

Хөөрхөн ботго минь
Хөгжилтэй ч амьтан даа

Буйлаа хийлгэж
Бурантгаа зүүлгээд
Тэмээний зэрэгт хүрч
Тээврийн замд гарна

Хөөрхөн ботго минь
Хүчтэй ч амьтан даа.

Д.Дашдорж     ХОЁУЛАА ХӨӨРХӨН.

Хур бороонд угаагдсан
Хурга мөн ч хөөрхөн
Нүүр гараа угаасан
Хүү бас хөөрхөн

Угаасан хургыг хүндэтгэнэ
Хөөрхөн гэж хэлдэг шиг
Угаасан цэвэрхэн хүүг
Нямбай гэж нэрлэн.


Post a Comment