2009-11-02

Цэцэрлэгээс эцэг эхийн дунд зохиох үйл ажиллагаа.

(үргэлжлэл 2)
  • Цэцэрлэгт явж байгаа хүүхдийн гэрээр очиж танилцах,
  • Нийт ба бүлгийн эцэг эхийн хурлыг тогтмол хийх / эцэг эхийн анхны хурлыг тоглоомын аргаар тойрч зогсоод өөрсдийгөө танилцуулах, хүүхэд насаа санаж ярилцах, хүүхдийн болон том хүний дуу дуулах, г.м./
  • Хүүхдийн хүмүүжлийн талаар зөвлөгөө өгөх / хүүхдийн нас зүйн онцлог тэдэнтэй хэрхэн яаж ажиллах талаар богино хэмжээтэй байх ба сэтгэл судлаач,эмч, хэл засалч зэрэг мэргэжлийн хүмүүсийг уриж яриа хийлгэх/
  • Эцэг эх хүүхэд оролцсон хичээл явуулах / “ Бид дэлхийн хүүхдүүд”, “Миний сайхан нутаг”, “Миний хайртай хот / хот,аймаг, дүүрэг, сум баг, хороо г.м./”, “Миний хайртай унага”, “Миний хайртай ишиг”, “Манай аймгийн домог”, “Манай нутгийн бахархал”, “Миний хайртай багш”, “Манай нутгийн шувууд”, “Мэдлэгийн орон” “Газар дэлхийгээ аваръя” г.м сэдэвтэй хичээлийн конспект бэлтгэж явуулах/
  • Эцэг эх ба хүүхдийн оролцсон бүтээлийн үзэсгэлэн гаргах /зургийн, наамлын, баримлын, зохион бүтээх, эцэг эхийн урлан бүтээсэн зүйл, эцэг эх хүүхдийн хамт хийсэн бүтээл г.м./
  • Хамтарсан аялал экскурс зохиох / нутаг орноороо явж бахархал төрүүлэх/
  • Харилцааны өдөр / цэцэрлэгийн эрхлэгч , арга зүйч ,багш нарын төлөөлөл, эцэг эх нар оролцсон“ Халуун хийцтэй цайны өдөр” , “Халуун кофены өдөр”, “Илэн далангүй ярилцлага” сэдвээр уулзалт зохиож эцэг эхийн саналыг сонсох, багш эцэг эхийн харилцан чөлөөтэй ярилцах г.м./
  • Буян хийх өдөр / жилд нэг удаа тухайн цэцэрлэгт явж байгаа хагас өнчин, нэн ядуу айлын хүүхдэд туслах зорилгоор айлд байгаа илүү тоглоом, хүүхдийн хувцас , ном хичээлийн хэрэглэлийг хүүхдэд бэлэглэх арга хэмжээ явуулахын тулд “ 10 төгрөгийн өдөр”, “ Найздаа хувцас бэлэглэе” ,” Найздаа тоглоомоо бэлэглэе”, “ Найздаа хичээлийн хэрэгсэл ба номоор тусалъя”, “Зүгээр л тусалж байна”, “Би найздаа хайртай” зэрэг сэдэвтэй хөдөлгөөн өрнүүлж ядарсан хүүхдэдээ туслах, хайрлах, халамжлах ажил зохиох өдөртэй болох г.м/
  • Нээлттэй хаалга / улиралд нэг өдөр эцэг эхчүүд бүтэн өдөр хүүхдийн цэцэрлэгийн үйл ажиллагаатай / сургалт хүмүүжлийн ажилд хүүхдүүд яаж оролцож байгаа, багш хүүхдэд юу сургаж хүмүүжүүлж ,тэдэнтэй хэрхэн яаж харьцаж байгаа, хүүхдийн хоолыг яаж бэлтгэж хийж байгаа, эрхлэгч , арга зүйч нар хүүхэд багш нарт ямар туслалцаа үзүүлж байгаа байдалтай танилцах зорилготой/
  • Баяр, чөлөөт цагийг өнгөрүүлэх бэлтгэл ажил ба үйл ажиллагаанд / “9-р сарын 1-ний нээлт”, “Шинэ жил”, “Ээжийн баяр” , Хүүхдийн төрсөн өдөр”, “ Сургуульд үдэх өдөр”, “ Аав ээж би”спортын зугаа наадам зэрэг арга хэмжээний бэлтгэл ажилд ба өдөрлөгт зөвхөн цэцэрлэг дээрээ эцэг эх оролцоно, гадуур ресторан баар олны газарт оролцохыг хориглоно/
  • Фото зургийн үзэсгэлэн гаргахад эцэг эх оролцох / гэр бүлийн зураг, олон үйл явдалд хүүхдийн оролцсон байдал , хүүхдийн өсөлт ,хүүхдийн хөгтэй явдлууд зөвхөн гэр бүлтэй холбоотой зургууд байх эсвэл зөвхөн цэцэрлэгийн үйл явдлаас харуулсан зургууд байна/
  • Хөгжүүлэх сургалтын орчин бүрдүүлэхэд эцэг эх хамтран оролцож бий болгоно.
  • Өглөөний мэндчилгээнд оролцох
  • Бүлгийн эцэг эхийн зөвлөлийн ажилд оролцох
  • Эцэг эх ба хүүхэдтэйгээ чөлөөтэй харилцан ярилцах
  • Сургалт семинар дадлага /“ Та хүүхдээ хэрхэн хөгжүүлж байгаа”, “Танай хүүхдийн эрүүл мэнд”, “Танай хүүхэд ямар хоолонд дуртай вэ”, “Танай хүүхэд гэртээ ямар хөдөлмөр хийдэг вэ”,“Хүүхдийг сургуульд бэлтгэх”, ”Танай хүүхэд ямар тоглоомоор тоглодог, ямар ном сонирхдог”, “Танай хүүхэд сургуульд явах хүсэлтэй юу” сэдвээр судалгаа хийх, ярилцлага зохиох г.м./
  • Эцэг эхийн хүлээн авах өрөөнд ажил зохиох / эрхлэгч буюу арга зүйч нар эцэг эхтэй ганцаарчилсан уулзалтууд зохиох/
  • Итгэлт утас / утасны дугаар тавьж утсаар эцэг эхээс мэдээлэл авах/ ажиллуулах
  • Итгэлт шуудан / шуудангийн хайрцгаар мэдээ авах/ ажиллуулах

No comments: